Draagde geej ôs vereniging un werm hart toe en wilde de Ruuk financieel steunen? Dan kunde lid wûrre van de Vrienden van de Ruuk! Un belangrieke steunpilaar ien de financiële ruumte van CV de Ruuk. Vergeliekbaar mit un Club van …, hebbe de Vrienden van de Ruuk as doel um de ontwikkeling van ôzze carnavalsactiviteite ien ut durp financieel te ondersteune. Dink hierbeej an financiële bijdrage vûr artieste, prinsenwages, kostuums en de jeugdcarnaval. Wat kost ut? Ut lidmaatschap van Vrienden van de Ruuk kost € 55,00 per jaor Wat krieg ik daor vûr terug? Allerurst een club enthousiaste minse die de carnaval ien ’t Roekeland un werm hart toe drage! Mar daornève ok: – Meugelukheid um 2 revue kaarte te reserviere vûr de algemene vûrverkoëp begint – Unne speciale pin vûr op ow pekske – Vermelding ien de carnavalskrant en op de website Oprichtingsvergadering 11 april Op vrijdag 11 april is de oprichtingsvergadering van de Vrienden van de Ruuk um 20:30 uur ien de Meule. Wilde lid wurre of miër informasie dan ziede van harte welkom!

Vanmiddag zien we op bezuuk beej de schôlcarnaval van basisschôl St. Anna. Beej schôlprins Lars d’n Urste!

Jao, ge lèst ut goed minse… d’n 3e prins Lars ien ‘t Roekeland dit jaor!

Ruuk & Ruukinne,
Sinds vurrig jaor hèt de groëte optocht un iets andere route.
Ok was ’t reglement wel wèr an un update toe.
Alle informasie is terug te leaze op dizze pagina.

Afgeloëpe zaoterdag is tijdens de Blitterswikse Revue de Roek van Verdienste toegekend an Jan Vermazeren. De Roek van Verdienste is bedoeld vûr minse, die zich biezonder verdiensteluk hebbe gemakt vûr de carnaval ien ut dûrp, vûr de dûrpsgemeenschap of ut verenigingslève. Jan hèt hierin un biezondere beejdrage geleverd vûr onder andere de Stichting Gemènschapshuus, Muziekvereniging Moed en IJver, de Goeie Doele Aktie en de groenploeg. Al dit verichte werk was vûr ut bestuur van carnavalsvereniging de Ruuk anleiding um de Roek van Verdienste 2025 an Jan toe te kenne. Jan, van harte proficiat!

Ut jeugdboerebruudspaar van 2025 is Lucas en Tess mit getuuge Roan en Lynn!

Ut neeje prinsenpaar van de jeugd ien 2025 is Jeugdprins Lars d’n urste en Jeugprinses Roos.
Ze gaon de jeugd vûr mit Jeugdvorst Gijs en Jeugdnar Len

Ut boerebruudspaar van 2025 is
Lennart van werkvurbereidende gildebroeder tot brommer reejende papa en Lizzy van hard werkende vaatlaborante tot op de hand gedrage dur al hur jonges. Mit hun getuuge Sven van gamende BBQ chef tot motorrijdende elektro monteur en Dorinda van zen poetsende mama tot bijna unne echte Hendriks!

Ruuk en Ruukinne, Ruukskes en Ruukinnekes Alaaf! De neeje hiërser aover ôs Roekeland is vanaovend uutgekomme en is Prins Lars d’n Urste (Koster). Ôk neej dit jaor is dat heej dit gût doen same mit zien Adjudanten Max (van Tongeren) en Boy (Wolters). Boy stut nog nie op de foto mar is d’r volgende weak beej. Heej gut vûrop mit zien leus: Dit jaor gut de carnaval knalle van alle kante, Mit de Raod, nar, vorst en mien twië adjudante!

Carnavalsvereniging de Ruuk mot ok mit d’n tied mit.
Dus via dizze neeje site zulle weej ôllie op de hûgte halde van ut neejs binne de Ruuk.