Nieuws

Ruuk en Ruukinne, Ruukskes en Ruukinnekes alaaf!

Gèr wille weej ôllie informiere aover de 67e carnaval ien ôs Roekeland. De aktiviteite die weej haije gepland ien fibbrewari kunne nie durgaon ien de vurm zoëas weej dat zeuje wille. Mit de regels vûr afstand, vaste zitplats en mondkäpkes kunne weej gèn aktiviteite organisiere ien de Zaal of beej café de Zwart.

Durum hebbe weej beslote dat d’r mit de carnaval gèn Prins, Jeugdprins en Jeugdprinses, Boerebruudspaar, Jeugdboerebruudspaar en Roek van Verdienste uutgeroepe zal wurre.

Op zaoterdag 19 fibbrewari zulle weej de revue online gaon uutzende en weej organisiere meugeluk nog alternatieve aktiviteite op carnavalszaoterdag en zondag die passe binne de maotregele.

Ok wille weej mit half vaste de volgende aktiviteite gaon organisiere:

zaoterdag 26 mart – Jeugdprinsenbal & prinsenbal

zondag 27 mart – Resepsie jeugdprins en jeugdprinses & jeugdboerebrulluft

Verder hebbe weej op zoaterdag 12 en zondag 13 november ôs jubileumweekend mit Vorsteraodsbal en jubileumresepsie.

Halt facebook en ’t dûrpsjournaal ien de gate vûr de verdere ienvulling van de carnaval.

Blief gezond!

Bestuur Carnavalsvereniging de Ruuk